हामी सबैकाे संसारन्यूज

सुधिर थापा, कुपण्डोल , काठमाडौँ

खुसी बन्दै झुम्याै कस्तो तिमी मेरै इसारामा
गुजार्‍याै जिन्दगानी नै मिली मेरै इसारामा

नयन तिम्रा थिए हेर्दै समय उस्तै चनाखो भै
तिमीलाई दिएको हो घडी मेरै इसारामा

गरी माया दियाै शीतल तिमीले नै मलाई झन्
घटेको हो तिमी मेरो दुरी मेरै इसारामा

बन्याै साथी तिमी राम्रो स्वयम् त्यस्तै भई राम्रो
भएका हाैँ खुसी हामी रही मेरै इसारामा

गरेँ विश्वास आफैँले तिमी हुँदा असल साथी
बितेको हो यहाँ हरदम जुनी मेरै इसारामा ।

बहर : हजज मुसम्मन सालिम ।
अर्कान : मुफाईलुन् मुफाईलुन मुफाईलुन् मुफाईलुन्
वजन : १२२२ १२२२ १२२२ १२२२
काफिया : ई
रदिफ : मेरै इसारामा
अभ्यास : हाम्रो गजल पाठशाला