हामी सबैकाे संसारन्यूज

अरुण खड्का,कीर्तिपुर

बात गर्दै ढल्छ मान्छे जिन्दगीको के भरोसा
स्वार्थ बोकी हात थाम्ने निष्ठुरीको के भरोसा

खोट राखी भित्र मनमा बात गर्छन् खुब मजाले
जूनतारा झार्छु भन्ने नक्कलीको के भरोसा

मूर्खलाई बुद्धिमानी मान्न थाले आज मान्छे
धन हुनेकै पाउ पर्ने लालचीको के भरोसा

दुःखपर्दा साथ हुन्थिन् हर बखतमा हात थाम्थिन्
धन भएमा प्यार भुल्ने प्रेयसीको के भरोसा

दाउ हेरी हात थाप्छन् लाभमाथि लाभ लिन्छन्
मित्रलाई घात गर्ने बैगुनीको के भरोसा

बहर : रमल मुसम्मन सालिम
अर्कान : फाइलातुन् , फाइलातुन् , फाइलातुन् , फाइलातुन्
वजन : २१२२ – २१२२ – २१२२ – २१२२
काफिया : ई
तहलिली रदीफ : को
रदीफ : के भरोसा
अभ्यास : परिश्रमी पाठशाला