हामी सबैकाे संसारन्यूज

हितमान छन्त्याल (सहोदर )
पोखरा, कास्की

१.
पहाडमा मेरो बास
प्राकृतिक उद्यानले घेरिएको
स्थान पर्छ खास ।

२.
जैविक विविधताको खानी
हृदयमा उमङ्ग भरिदिन्छिन्
सुन्दर प्रकृतिकी रानी ।

३.
रात उज्यालो जूनले
दिनलाई प्रकाश भानुबाट
मनमा ज्योति कुनले ?

४.
बाजा राम्रो धुनले
गरगहनाले ज्यान सुन्दर
विशेष राम्रो गुनले ।

५.
वर्षा भयो घनघोर
उर्लन थाल्यो भेल
इन्द्रावती अरुण तमाेर ।

६.
बैँस चढ्छ वर्षामा
तेर्सो हिँड्छन् सबैतिर
आउँछन् खुबै चर्चामा ।

७.
उन्मत्त बैँसको तालमा
मानव, जीव, जनावरलाई
सोहोरेर लान्छन् अकालमा ।

८.
खुला आकाश राम्रो
चुम्न खोजेको आकाशलाई
अग्ला हिमाल हाम्रो ।

९.
जताततै प्राकृतिक पुञ्ज
स्वर्गीय परमानान्द दिलाउने
भरिभराउ रमणीय कुञ्ज ।

१०.
भकुण्डो जत्रो शीरभित्र
अभेद्य मापन इकाईहरू
अट्दछ तत्त्व विचित्र ।