हामी सबैकाे संसारन्यूज

काठमाडौँ । राष्ट्रिय स्वतन्त्र पार्टी (रास्वपा) को जारी पहिलो ऐतिहासिक राष्ट्रिय महाधिवेशनमा सहभागी प्रतिनिधिहरूलाई विशेष बन्दोबस्तीका सामग्रीहरूसहित झोला वितरण गरिएको छ ।

महाधिवेशनको चौथो दिन देशभरबाट आएका प्रतिनिधिहरूको पहिचान र सहजताका लागि पार्टीले आवश्यक सामग्रीसहितको झोला उपलब्ध गराएको हो ।

सचिवालयका अनुसार सांगठनिक छलफल र बन्दसत्रका कार्यक्रमहरूलाई थप व्यवस्थित एवं संस्थागत बनाउने रणनीति अन्तर्गत यो व्यवस्था गरिएको हो । वितरित झोलामा रास्वपाको पहिचान झल्किने क्याप, पेन, कपी तथा आधिकारिक परिचयपत्र लगायतका दैनिक प्रयोगका सामानहरू समावेश छन् ।

यसैबीच, महाधिवेशनमा सहभागी प्रतिनिधिहरूले पार्टीको यो व्यवस्थापनप्रति सकारात्मक प्रतिक्रिया दिएका छन् । यस किसिमको तयारीले बन्दसत्रका महत्त्वपूर्ण बुँदाहरू टिपोट गर्न र हलभित्र अनुशासन कायम राख्न सघाउ पुगेको एक प्रतिनिधिले जानकारी दिए ।

रास्वपाले आफ्नो यो पहिलो राष्ट्रिय महाधिवेशनलाई परम्परागत भन्दा फरक शैलीमा प्रविधिमैत्री, मितव्ययी र अनुशासित रूपमा सम्पन्न गर्ने नीति अख्तियार गरेको दाबी गरेको छ ।