Sansar News
२७ कात्तिक, पाल्पा । रिब्दीकोट गाउँपालिकाले एकल महिलालाई उद्यमशीलताको विकासबाट आत्मनिर्भर बनाउन प्रत्येक वडामा समूह गठन गरेको छ । गाउँपालिकाले प्रत्येक वडामा पाँच सदस्यीय समिति गठन गरेको छ ।
अहिलेसम्म रिब्दीकोटको आठ वडामा समिति गठन भइसकेको छ । समितिले एकल महिलाको माग सङ्कलन गर्नेछ । मागका आधारमा गाउँपालिकाले एकल महिलालाई सहयोग गर्नेछ । चालु आव २०७५÷७६ का लागि रु १० लाख बजेटको व्यवस्था गरेको गाउँपालिकाका अध्यक्ष नारायणबहादुर जिसीले बताए । सिलाईकटाइसम्बन्धी वा अन्य सीप हुनेलाई सोहीअनुसार कामको खोजी गर्ने तथा उत्पादनलाई बजारसम्म पु¥याइने जिसीले बताए ।
“समूहको मागअनुसार काम गछाँै,” उनले भने । गाउँपालिकाले समूह गठन र बजेट परिचालनसम्बन्धी अन्तरक्रिया प्रत्येक वडामा गरिसकेको छ । एकल महिलाको विकास निर्माणमा सहभागिता बढाउने तथा उनीहरुलाई आत्मनिर्भर बनाउन यस अभियानबाट मद्दत पुग्ने छ । एकल महिला ज्ञान, सीप र क्षमताको प्रयोग गरी सक्षम बन्ने अध्यक्ष जिसी बताउछन् ।
वि.सं.२०७५ कात्तिक २७ मंगलवार ०९:३२ मा प्रकाशित
