Sansar News
वालिङ, १८ कात्तिक । वालिङ–९ पिपलटारीका युवाले व्यावसायिकरुपमा फूलखेती सुरु गरेका छन् ।
स्थानीय चार जना युवाले फूलखेतीको सम्भावना देखेर यस व्यवसायमा हात हालेका हुन् । समूहका सदस्य राजु गैरे विभिन्न धार्मिक कार्यमा आवश्यक पर्ने फूल अन्य ठाउँबाट आयात गर्नुपरेका कारण फूलखेती थालेको बताउनुहुन्छ ।
चितवनबाट सयपत्री फूलको बेर्ना ल्याएर दुई रोपनी क्षेत्रफलमा फूलखेती गरेको गैरेले बताउनुभयो । “जुनसुकै कार्यमा पनि फूल अति आवश्यक देख्यौँ,” उहाँले भन्नुभयो । रु ३५ हजारको लगानीमा थालिएको फूलखेतीबाट हालसम्म रु ५० हजार आम्दानी भएको छ । परीक्षणका लागि सुरु गरेको फूलखेतीलाई विस्तार गर्दै लैजाने गैरै बताउनुहुन्छ । रासस
वि.सं.२०७३ कात्तिक १८ बिहीवार ०९:१९ मा प्रकाशित
