हामी सबैकाे संसारन्यूज

१७ जेठ । बुधबार प्रस्तावित गौतमबुद्ध अन्तर्राष्ट्रिय क्रिकेट रंगशालाको पश्चिमपट्टिको बार भत्काइएको सन्दर्भमा आएका आरोपहरु निराधार भएको स्थानीयले बताएका छन् । उक्त सडकसँग जोडिएका प्रभावित ५ वटा टोलविकास संस्थाहरुले संयुक्त रुपमा प्रेस विज्ञप्ति जारी गरी उक्त आरोपको खण्डन गरेका हुन् ।

विज्ञप्तीमा उनीहरुले आवश्यक नीतिगत निर्णय नगरी बाटो खोल्दा भविष्यमा आफूहरुको उठिवास हुनसक्ने भन्दै यसबारे निर्माणको जिम्मा लिएको धुर्मुस सुन्तली फाउण्डेसन लगायत सरोकार निकायहरुसँग लिखित र मौखिकरुपमा ध्यानाकर्षण गराउँदै तत्काल कम्पाउण्ड नलगाउन भनिएकोमा आवश्यक नीतिगत निर्णय नगरी फाउण्डेसनले स्वइच्छाचारी ढंगले कम्पाउण्ड बनाउने काम सुरु गरेकाले स्थानीयवासीले स्वतः स्फूर्त रुपमा बार भत्काइएको स्पष्ट पारेका छन् ।

त्यस्तै रंगशाला निर्माण हुँदा अविरजात्रा गर्ने, दिनहुँ श्रमदान गर्ने स्थानीयवासीलाई विकास विरोध भन्दै कमिशन लगायत लगायत आरोप लगाइएकोमा खण्डन गरिएको छ ।

पक्राउ परेका स्थानीयहरुको निसर्त रिहाइको माग पनि उक्त विज्ञप्तीमा गरिएको छ ।