हामी सबैकाे संसारन्यूज

आज यहाँ पत्रकार सम्मेलनको आयोजना गरी ठोरी चितवन पुनःसमायोजन समितिले राज्यले आफ्ना माग नसुनेकामा चिन्ता व्यक्त गर्दै उनीहरुले आफूहरुलाई प्रदेश नं ३ मा राख्न आग्रह गरे ।

साविक ठोरी चितवन पुनःसमायोजन समितिका संयोजक प्रकाश खनालले पर्साका नेताहरु नै स्थानीयको भावनाविपरीत चलेकाले उनीहरुविरुद्ध आन्दोलन केन्द्रित गर्ने बताउनुभयो ।

ठोरीवासीले आफूहरुलाई प्रदेश नं ३ मा रहेको चितवनमा समावेश गर्न आग्रह गरिरहेका छन् । करिब एक वर्षदेखि आन्दोलित उनीले आफूको बजार, पहुँच, लवज आदि सबै चितवनसँग मिल्ने भएकाले प्रदेश नं ३ मा नै पारिदिन आग्रह गरिरहेका छन् । यो माग उनीहरुले सबै राजनीतिक दलका नेता एवम् प्रधानमन्त्री समक्ष पनि पु¥याइसकेका छन् ।

स्थानीय युवा सुदीप थापाले आफूहरुको माग नसुनिए अब आउँदै गरेका सबै निर्वाचन ठोरीले बहिस्कार गर्ने र नेतालाई गाउँ छिर्न नदिने चेतावनी दिनुभयो । ठोरी २०३४ साल अगाडि चितवन जिल्लामै रहेको थियो । रासस