Sansar News
९ भदौ, काठमाण्डौ । समाजवादी पार्टी नेपालको विद्यार्थी संगठनको अध्यक्षमा रुपनारायण श्रेष्ठ चयन भएका छन् ।
तत्कालीन नयाँशक्ति पार्टी र संघीय समाजवादी फोरमको एकतापछि बनेको समाजवादी पार्टीको विद्यार्थी संगठनको केन्द्रीय अध्यक्षमा श्रेष्ठ चयन भएका हुन् ।
ललितपुरमा आयोजित दुई विद्यार्थी संगठनको एकतापछि सर्वसम्मतिले श्रेष्ठको नेतृत्वमा २९ सदस्यीय नयाँ कार्यसमिति चयन गरिएको हो ।
जसको वरिष्ठ उपाध्यक्षमा रमेश यादव, उपाध्यक्षमा नेत्र चापागाईं, सुवास लाबुङ, राजेन्द्र ओली ‘विवेक’, रीता यादव, ईश्वर अधिकारी, विशाल आङ्दम्बे, टङ्क धमला, सञ्जय राई र दीपेश यादव, महासचिवमा वरुण यादव र उपमहासचिवमा नेम्बर राई, सुष्मा देवकोटा, प्रकाश चाम्लिङ, बलबहादुर रम्तेल, रजनी श्रेष्ठ र दिनेश दङ्गाल, सचिवहरुमा अमोद यादव, भरत लिसानी, रामचन्द्र राई, रामबहादुर भण्डारी, सुजीव गिरी, रेशम सापकोटा, सुवास राई, रमानन्द शाह, मनिष यादव र हेमराज थापा तथा कोषाध्यक्षमा ओमनारायण यादव चयन भएका छन् ।
समाजवादी पार्टीका अध्यक्ष उपेन्द्र यादव, नेता डा बाबुराम भट्टराईलगायतले नव गठित कार्यसमितिका पदाधिकारीलाई शुभकामना दिएका थिए ।
वि.सं.२०७६ भदौ ९ सोमवार १५:५६ मा प्रकाशित
