हामी सबैकाे संसारन्यूज

१२ भदौ, काठमाण्डौं । प्रतिनिधिसभा सदस्य विरोध खतिवडाले अभिभावकले यमराज कहाँ छ भनेर देखाउनका लागि रिङ्गरोडको छेउमा बालबालिका ल्याएर राख्ने गरेको बताएका छन् ।

विहिबारको संसद बैठकको शून्य समयमा बोल्दै सांसद खतिवडाले उपत्यकाको सडक व्यवस्थापनको बारेमा व्यंगशैलीमा उक्त कुरा बताएका हुन् । उनले अभिभावकले बच्चाहरुलाई रिङ्गरोडमा दुई–चार घण्टा उभ्याएपछि बच्चाहरुले यमराज देख्न पाउने भन्दै व्यंग्यशैलीमा सडक व्यवस्थापनका सम्बन्धी कुरा उठाएका छन् ।

सांसद खतिवडाले सडकमा ज्रेब्रा क्रसिङको समस्या, डेढ दुई किलोमिटर सम्म जेब्रा क्रसिङ नहुनाले ट्राफिक नियम उल्लंघन हुनु, ट्रिपरको बौलाहा दौडाईका कारण मासिक झण्डै ७ जना भन्दा बढीको दुर्घटनामा मृत्यु भएको पनि बताएका छन् ।

उनले सरकारको ध्यानाकर्षण गराउँदै बीच–बिचमा क्रसिङ सहित सुविधाजनक ढंगले रिङरोड क्रस गरिने बातावरण बनाइनुपर्ने समेत बताएका थिए ।