हामी सबैकाे संसारन्यूज

डा. ठाकुर मोहन श्रेष्ठ, काठमाडौँ

काटेर जराे मस्त चलाेस् भन्नु हुँदैन
राेपी अमिलाे स्याउ फलाेस् भन्नु हुँदैन

के काम खुराफात चलाएर अरूकाे
घरबार बिगारेर गलाेस् भन्नु हुँदैन

बिक्दै छ झुटाे बात सधैँ सत्य छ लुक्दै
धन मस्त छ घरबार जलाेस् भन्नु हुँदैन

सम्झेर दया राख सकेसम्म सबैले
अपमान गरी पाउ मलाेस् भन्नु हुँदैन

अधिकार जमाएर लुटे देश अरूले
निर्लज्ज बनी लाज छलाेस् भन्नु हुँदैन

पाएर कतै साथ भुले शुभ त नहाेला
आफू त ढलेँ दाजु ढलाेस् भन्नु हुँदैन।

बहर : हजज मुसम्मन अखरब मक्फुफ महजुफ
अर्कान : मफ्ऊलु, मफाईलु, मफाईलु, फऊलुन्
वजन : २२१ – १२२१ – १२२१ – १२२
काफिया : ओस्
रदिफ : भन्नू हुँदैन
अभ्यास : परिश्रमी पाठशाला