Sansar News
सुधिर थापा, कुपन्डोल , ललितपुर
जीवन तब हाैसिन्छ पुगे आस समयमा
गुल्जार कतै छैन यहाँ खास समयमा
माया छ लुकी भित्र बसेको अब मेरो
मिल्दैन अझै प्यार तिमी पास समयमा
पाइन्न बुझाैँ साथ उसै त्याग बिनाको
हुन्छाै पर लाग्दैन कुनै त्रास समयमा
काकाकुलको झैँ जब तिर्खा छ बढेको
साँच्चै बुझ मेटिन्न झनै प्यास समयमा
देखिन्न तिमी भित्र कुनै प्यार बसेको
मेरो किन चल्दैन स्वयम् स्वास समयमा ।
बहर : हजज मुसम्मन अखरब मक्फुफ महजुफ ।
अर्कान : मफ्ऊलु मफाईलु मफाईलु फऊलुन्
वजन : २२१ १२२१ १२२१ १२२
काफिया : आस
रदिफ : समयमा
अभ्यास : हाम्रो गजल पाठशाला
वि.सं.२०८३ वैशाख १२ शनिवार ०८:१० मा प्रकाशित
