Sansar News
कल्पना मरासिनी
भूमिकास्थान,अर्घाखाँची, हाल : ललितपुर
विगत जस्तै आज पनि समान कहाँ हुन्छ
यो हृदय जस्तै सुन्दर बगान कहाँ हुन्छ
सुल्टोलाई उल्टो देख्छन् अचेल मानिसहरू
जस्ताको त्यस्तै बुझ्ने मनोविज्ञान कहाँ हुन्छ
भोलि भन्दै काम साँचे जन्म हुन्छ तनावको
समयसँगै चल्न जाने हैरान कहाँ हुन्छ
अन्जानमै हुन सक्छ बेमेल कहिलेकाहीँ
सधैँभरि गल्ती पनि जानाजान कहाँ हुन्छ
भाग्यले मिल्ने हो कोखको असल फल पनि
नत्र श्रवणकुमार जस्तो सन्तान कहाँ हुन्छ ।
अक्षर सङ्ख्या : १६
अनुप्रास : आन
शेष अनुप्रास : कहाँं हुन्छ
अभ्यास : चारु साहित्य प्रतिष्ठान पाठशाला
वि.सं.२०८३ साउन ९ शनिवार ०८:०१ मा प्रकाशित
