हामी सबैकाे संसारन्यूज

बुद्धिमान दनुवार (सुरुङ्गेली कान्छो)
कनकाई नगरपालिका ४ झापा

१.
सपना देख्नु राम्रो
पूरा गर्न नसक्दा
मन हुन्छ चाम्रो।

२.
कसैको सम्झना गर्नू
मेरो गल्ती भयो
उसलाई अङ्गालोमा भर्नू।

३.
सिमसिम झरी हेर
असार अन्तिम भयो
किसानलाई काम धेर।

४.
बेलामा पानी छैन
कसरी धान रोप्नु
किसानलाई सुख भैन।

५.
जीवन स्वस्थ बनाऔँ
योग ध्यान गरेर
रोगलाई टाढा भगाऔँ।

६.
हाँसेर जिन्दगी बाँचौँ
दुई दिनको चोला
एकार्कामा माया साँचौँ।

७.
चङ्गाजस्तो भो मन
तिम्रो कुराले मेरो
टाउको दुख्यो झन।

८.
कसको पालो आयो
भ्रष्टाचारी देश लुट्ने
मनमा ढ्याङ्ग्रो ठटायो।

९.
नयाँ पूराना दल
आउँछन् भोट माग्न
लिएर अघिपछि बल।

१०.
मिरमिरेमा भाले करायो
पूर्वबाट लाली छर्दै
धर्तीमा उज्यालो आयो।