Sansar News
१४ मङ्सिर,काठमाडौँ । समाजसेवी आङसिङ चेम्जोङको ७४ वर्षको उमेरमा गएराति निधन भएको छ ।
पूर्व प्रहरी नायब महानिरीक्षक समेत रहनुभएका चेम्जोङ अर्बुद रोगबाट पीडित भई उपचारको क्रममा धोबिघाटस्थित निवासमा निधन भएको उहाँकी भतिजी वीना राईले जानकारी दिनुभयो । उहाँका श्रीमती, दुई छोरा र एक छोरी हुनुहुन्छ ।
किरात धर्म तथा इतिहासका विद्वान् इमानसिंह चेम्जोङको स्मरणमा खोलिएको इमानसिंह मेमोरियल फाउन्डेसनका अध्यक्ष तथा किरात याक्थुम चुम्लुङ काठमाडौँका संस्थापक अध्यक्ष भई उहाँ समाजसेवामा संलग्न हुनुहुन्थ्यो ।
पाँचथरमा जन्मनुभएका चेम्जोङ इतिहासविद् इमानसिंहका छोरा समेत हुनुहुन्छ । उहाँको आज दिउँसो पशुपतिमा अन्त्येष्टि गरिनेछ । रासस
वि.सं.२०७३ मंसिर १४ मंगलवार ०५:३९ मा प्रकाशित
