हामी सबैकाे संसारन्यूज

२२ मसिंर, काठमाडौँ । त्रिभुवन विश्वविद्यालय मातहत खडा भएको स्वास्थ्य उपचार कोषमा झन्डै ४ करोड रुपैयाँ जम्मा भए पनि अधिकांश विद्यार्थीले त्यसको उपयोग गर्न पाएका छैनन् । जसका कारण स्वास्थ्य उपचारका लागि विद्यार्थी आफैँले उठाएको त्यति धेरै रकम थन्कन पुगेको हो । अधिकांश विद्यार्थीलाई कोषबारे जानकारी नहुँदा र कार्यविधि झन्झटिलो हुँदा विद्यार्थीहरु स्वास्थ्य उपचारबाट विमुख हुन परेको हो ।

त्रिभुवन विश्वविद्यालयका अनुसार नेपाल सरकारको नीतिबमोजिम निःशुल्क उपचार भन्नाले स्वास्योपचार खर्चका साथै नेपाल सरकारद्वारा लागू भएको बिमा कार्यक्रममा आबद्ध बिमित व्यक्तिका लागि गरिने खर्च, सुत्केरी र गर्भवतीसम्बन्धी खर्च र उपचार पर्छ ।

यस्तै चस्मा र चस्माको लेन्स खर्च, स्वेच्छिक कस्मेटिक उपचार खर्च, दुर्घटनामा परेको बाहेक दाँतको उपचार खर्च, कुनै पनि प्रकारको औषधि खर्च, सम्बन्धित क्याम्पसमा भर्ना हुनुभन्दा अगाडि लागेको दीर्घकालीन रोग भएको मेडिकल बोर्डबाट ठहर हुन आएका त्यस्ता विद्यार्थी कोषको सदस्य भए पनि सम्बन्धित रोगको स्वास्थ्यउपचार खर्च, सामान्य स्वास्थ्य परीक्षण खर्च पनि त्रिविले बेहोर्दछ । आइतबारको राजधानी दैनिकबाट