हामी सबैकाे संसारन्यूज

२५ मङ्सिर, काठमाडौँ । डिभिजन सडक कार्यालय प्युठानका डिभिजन प्रमुख (सि।डि।ई।) ध्रुवकुमार श्रेष्ठ र इन्जिनियर निरोज महर्जन २० लाख सहित पक्राउ परेका छन् ।

निज श्रेष्ठ र महर्जनले सेवाग्राहीबाट सडक निर्माण भइरहेको कामको भुक्तानीको लागि रनिङ बिल पेश गरेकोमा कामको मूल्याङ्कन गर्दा निर्माण सम्पन्न भएको कामको विवरण घटाई बाँकी रनिङ बिलको भुक्तानीको लागि घुस माग गरिरहेको भन्ने सूचनाको आधारमा अख्तियार दुरुपयोग अनुसन्धान आयोगको टोलीले दुवैलाई सेवाग्राहीबाट २० लाख लिइसकेको अवस्थामा पक्राउ गरेको हो ।

पक्राउ परेका निजहरुमाथि थप अनुसन्धान भइरहेको अख्तियारले जनाएको छ ।