हामी सबैकाे संसारन्यूज

३० मसिंर, काठमाडौँ । त्रिभुवन विश्वविद्यालयका कर्मचारीहरु आन्दोलनमा उत्रेका छन् । त्रिविले १५ मसिंरमा सात सय १५ जना कर्मचारीको विज्ञापन गरेको थियो ।

जसमा १२ जना सवारीचालक र एक सय ५० जना कार्यालय सहयोगीसहित एक सय ६२ श्रेणीविहीन कर्मचारीको पनि विज्ञापन गर्ने भनिएको थियो । विज्ञापनमा श्रेणीविहीन सवारीचालक र कार्यालय सहयोगीको विज्ञापन गर्न छुटाएको भन्दै कर्मचारीले आइतबार त्रिवि सेवा आयोगमा धर्ना दिएका थिए ।

त्रिवि कर्मचारी संघका अध्यक्ष भोजराज राउतले सवारीचालक र कार्यालय सहयोगीको पनि विज्ञापन गर्नुपर्ने बताए । श्रेणीविहीन सवारीचालक र कार्यालय सहयोगीको विज्ञापन नगरेका कारण आन्दोलनमा उत्रन बाध्य भएको उनले बताए । सोमबारको नयाँ पत्रिका दैनिकबाट