हामी सबैकाे संसारन्यूज

४ पुष, काठमाण्डौं । नेपाल राष्ट्र बैंकले विदेशमा रहेका नेपालीका लागि ‘बैदेशिक रोजगार बचतपत्र’ निष्काशन गरेको छ ।

पुष १ गते देखि पुष २१ गते सम्मका लागि खरिद आव्हान खुला गरिएको उक्त बचतपत्र ऋण ५ वर्षका लागि रहेको र १० प्रतिशत व्याज दिने शर्त बैंकले अगाडि सारेको छ ।

बैंकले ५ वर्षका लागि १० प्रतिशत व्याज तिर्नेगरी २० करोड ऋणको आव्हान गरेको हो । जसको व्याज भुक्तानी प्रत्येक ६–६ महिनामा गर्ने पनि बैंकले जनाएको छ ।

बैंकले घटीमा पाँच हजार रुपैयाँ र बढीमा स्रोत खुलाएर २० करोड भित्रको रकम सम्मको बचतपत्र खरिद गर्न सकिने छ ।

बचतपत्र खरिद गर्नका लागि रोजगारीका लागि विदेशमा गएका वा बैदेशिक रोजगारीबाट फर्किको ४ महिना नपुगेको अथवा गैरआवासी नेपालीले आफू वा आफ्नो परिवारको सदस्य (बुवा,आमा, श्रीमान,श्रीमती, छोराछोरी) को नाममा यो बचतपत्र धितो राखी बैंक तथा सस्थाबाट कर्जा लिन सकिने पनि बैंकले जनाएको छ ।

बैंकका अनुसार बचत पत्र विक्रि हुने अवधि पुष १ देखि २१ सम्म, निष्कासन मिति पौष २७ गते तथा सावा भुक्तानी २०८१ पुष २७ गते गरिने छ ।

यस्तो छ हेर्नुहोस् पूर्ण विवरण