हामी सबैकाे संसारन्यूज

८ पुस, काठमाडौँ । नेपाल सरकार राष्ट्रपति चुरे – तराई मधेश संरक्षण विकास समिति खुमलटार, ललितपुरले एक सूचना प्रकाशित गरेको छ ।

राष्ट्रपति चुरे – तराई मधेश संरक्षण विकास समितिले स्नातकोत्तर तहमा अध्ययनरत विद्यार्थीहरूका लागि शोधपत्र प्रस्ताव आवेदनसम्बन्धी सूचना आज मंगलबार प्रकाशित गरेको हो ।

यस समितिको आ.व. २०७६ र ०७७ को स्वीकृत वार्षिक कार्यक्रमअन्तर्गत चुरे संरक्षण तथा व्यवस्थापन कार्यका लागि विद्यार्थीहरूलाई शोधपत्र( Thesis Grant ) का लागि सहयोग गर्ने कार्यक्रम रहेकाले राष्ट्रपति चुरे तराई मधेश संरक्षण विकास समितिको शोधपत्र अनुसन्धान सहयोग उपलब्ध गराउनेसम्बन्धी कार्यविधि, २०७४ (समितिको वेवसाइट http://chureboard.gov.np/ मा रहेको) अनुसार तपसिलका कागजातसहित यस समितिमा सूचना प्रकाशन भएको मितिले २१ दिनभित्र आवेदन दिनहुन यो सूचना प्रकाशित गरिएको हो ।

तपसिल
१. विद्यार्थी अध्ययनरत विश्वविद्यालय र क्याम्पस र केन्द्रीय विभागको शोधपत्रका लागि तोकिएको सुपराभाइजरको नाम समेत उल्लेख गरिएको सिफारिश पत्र ।

२. कार्यविधिको परिच्छेद २ मा उल्लेखित (क देखि र सम्मका) विषयवस्तु समेटिएको अनुसूची

३. बमोजिमको ढाँचामा २ प्रति प्रस्ताव (प्रिन्ट) १ प्रति कपि ।

४. नागरिकताको फोटोकपि ।

५. स्नातकको लब्धांकपत्रको फोटोकपि