४ माघ, काठमाण्डौं । मञ्जुश्री फाइनान्स लिमिटेडको बाह्रौ वार्षिक साधारणसभा सम्पन्न भएको छ ।
थापागाँउ व्याङकेट, नयाँबानेश्वरमा २९ पुसमा सम्पन्न साधारणसभाले बैकको संचालक समितिमा सर्वसाधारण शेयरधनिहरुको तर्फवाट इन्दिरा पण्डित घिमिरे र चिन्तामणी गौतमलाई आगामि ४ वर्षको लागि सञ्चालक पदमा निर्विरोध निर्वाचित गरेको छ ।
त्यस्तै साधारण सभाद्वारा आ.व. २०७५\०७६ को लागि प्रस्तावित ९.८० प्रतिशत नगद लाभांश (वोनश शेयर तथा नगद लाभांशको कर समेत) र १.७५ प्रतिशत बरावरको वोनस शेयर वितरण गर्ने निर्णय पारित समेत गरिएको छ ।
यस संस्थाको यस अघि सम्मको चुक्ता पूँजी रु. ८०,४०,६०,२१०।- रहेको छ । यस फाइनान्सको पौष मसान्त सम्म रु. ७ अर्ब ७० करोड निक्षेप संकलन तथा रु. ६ अर्ब ७७ करोड कर्जा लगानी रहेको छ ।
काठमाण्डौंको नयाँ बानेश्वर केन्द्रीय कार्यालय रहेको फाइनान्सको न्युरोड काठमाण्डौ ,नारायणगढ, बुटवल, धनगढी, इटहरी, बिराटनगर, नेपालगञ्ज , धरान, पोखरा तथा बिरगञ्ज शाखाबाट कारोबार गरि रहेको राष्ट्रिय स्तरको वित्तिय संस्था रहेको पनि बैंकले जनाएको छ ।
वि.सं.२०७६ माघ ४ शनिवार १६:५६ मा प्रकाशित