Logo
७ कार्तिक २०७८, आईतवार
     Sun Oct 24 2021
E-paper
  English Edition
   Unicode
Logo

न्युहेम्पशायरमा नेपाली फिल्म ‘रिसिम’ प्रदर्शन



३० फागुन, अमेरिका । आदिवासी जनजाती महासंघ नेपाल इन अमेरिका (फिफ्ना ) न्यूइंग्ल्याण्ड लोकल च्याप्टरले न्यूहेम्पशायर हुक्सेटस्थित हुक्सेट लाइब्रेरीमा हालै किराँत राईहरुको संस्कृति र परम्परामा आधारित फिल्म “रिसिम’ प्रदर्शन गरेको छ ।

बिभिन्न जात जातीहरुको भाषा संस्कार संस्कृतिलाई विदेशमा बस्ने नेपाली र स्थानीयहरु बीच उजागर गर्ने, फिल्मको प्रोमोसन र फण्ड संकलन गर्ने उद्धेश्यले फिप्नाले वर्षेनी यस्तो प्रदर्शनी गर्दै आईरहेको फिप्ना लोकल च्याप्टर अध्यक्ष सुन्दरी गुरुङले बताइन् ।
गुरुङले जनजाती महासंघ नेपाल (नेफिन) ले नेपालमा छनौट गरेको जनजातीको संस्कृति झल्कने फिल्महरुलाई अमेरिकामा देखाइने गरेको कुरा बताइन् ।

संस्थाका महासचिव बिकास गुरुङले गत साल नेपाली र अंग्रेजी सब टाइटल भएको गुरुङ भाषाको फिल्म (क्यु प्य्हो छे) ‘भेडी गोठालो’ देखाइएको बताए । यसपटक राई समुदायको संस्कृतिलाई प्रतिनिधित्व गर्ने अंग्रेजी सब टाइटल भएको रिसिम फिल्म छनौटमा परेको पनि उनले जानकारी दिए । उनले यस्ता कार्यलाई आगामी दिनहरु पनि निरन्तरता दिइने कुरा बताए ।

युनाईटेड किरात राई अर्गनाइजेशन अफ अमेरीका न्यूइंग्ल्याण्ड लोकल च्याप्टरका सभापति मुक्ति नारायण राई र न्यूयोर्क निवासी लीला राईको बिशेष पहलमा उक्त फिल्म प्रदर्शनको ब्यवस्थापन गरिएको थियो । (फिपना) न्यु इंग्ल्याण्ड लोकल च्याप्टरले राई द्धयलाई बिशेष धन्यवाद समेत दिएको छ ।

निर्देशक सरिना गुरुङ र प्रोड्युसर टिका बाहादुर, गोल्डेन राई र उर्मिला राई भएको दिल कुमारी राईको ‘रिसिम’ निकै पुरानो फिल्म भएता पनि किराँत राई परम्परा र संस्कृतिलाई जोडदार रुपमा प्रस्तुति गरिएको छ ।

उक्त फिल्म प्रदर्शनी कार्यक्रममा एनआरएनए अमेरीकाका पूर्व अध्यक्ष शिब कुमार राई, न्यूहेम्प्शायर नेपाली समाजका अध्यक्ष सोम गुरुङ, फिप्ना न्युहेम्प्शायरका पूर्वसभापति लोक लामा गोले लगायतका व्यक्तित्वहरुको उपस्थीति रहेको थियो ।


यो खबर पढेर तपाईलाई कस्तो महसुस भयो ?

काठमाडौं । आजको नेपाली बजारमा विदेशी मुद्राको भाउ यसप्रकार रहेको छ । राष्ट्र बैंकको

धन्न पानी र अन्न बिना पानी बिना अन्न मानव जीवन रहन्न । यदि नहुँदो

१. पीडाको कथा मनको व्यथा बलिको प्रथा । २. हाम्रो अक्कल अज्ञानी पशु बध

काठमाडौँ । पूर्वमन्त्री तथा माओवादी नेतृ रेखा शर्मालाई नेकपा (माओवादी केन्द्र)ले राजकीय मामिला तथा