हामी सबैकाे संसारन्यूज

काठमाडौं । गायक तथा सर्जक यज्ञ सापकोटाले नयाँ तीज गीत ‘घरझगडा–९’ सार्वजनिक गरेका छन् । सापकोटा र अञ्जिता विश्वकर्माको स्वर रहेको गीत यज्ञ सापकोटाको आधिकारिक युट्युब च्यानलमार्फत सार्वजनिक गरिएको हो ।

गीतमा यज्ञ सापकोटा र टंक डुम्रेले शब्द लेखेका छन् भने संगीत यज्ञ सापकोटाकै रहेको छ । राजु सुनामले संगीत संयोजन गरेको गीतको मिक्सिङ तथा मास्टरिङ विनोद परियारले गरेका छन् । गीतको रेकर्डिङ ओजन स्टुडियोमा रमेश खड्काले गरेका हुन् ।

‘घरझगडा–९’ को भिडियोमा यज्ञ सापकोटा र सरिता सापकोटाको अभिनय रहेको छ । मदन खड्काको निर्देशनमा तयार भएको भिडियोमा टंक डुम्रे, हरि अधिकारी, विष्णु पाठक बश्याल, नामदेव बश्याल, भूपाल अभागी, सम्झना सापकोटा, रमेश अधिकारीलगायत कलाकारको समेत सहभागिता छ ।

भिडियोको छायांकन दुर्गा श्रेष्ठले गरेका हुन् भने सम्पादन तथा कलर अमृत चापागाईंले गरेका छन् । मेकअप आर्टिस्टका रूपमा तमुना पाण्डेले काम गरेकी छन् । भिडियोको पोस्ट प्रोडक्सन कोसेली इन्टरटेनमेन्टले गरेको हो ।

तीजको सांगीतिक माहोललाई लक्षित गर्दै सार्वजनिक गरिएको गीतले पारिवारिक तथा सामाजिक परिवेशलाई केन्द्रमा राखेको छ । गीत सार्वजनिक भएको छोटो समयमै दर्शक–श्रोताबाट राम्रो प्रतिक्रिया पाउन थालेको निर्माण पक्षले जनाएको छ ।

अकला देवी म्युजिकको प्रस्तुति रहेको ‘घरझगडा–९’ यज्ञ सापकोटाको आधिकारिक युट्युब च्यानलमा उपलब्ध छ ।