हामी सबैकाे संसारन्यूज

फाइल फोटो

३० फागुन, काठमाडौं । प्रधानमन्त्री केपी शर्मा ओलीलाई आज अस्पतालबाट डिस्चार्ज गर्ने तयारी गरिएको छ । प्रधानमन्त्री ओलीको स्वास्थ्यमा अपेक्षाकृत सुधार भएपछि आजै अस्पतालबाट डिस्चार्ज गर्ने तयारी गरिएको हो ।

त्रिवि शिक्षण अस्पतालका कार्यकारी निर्देशक प्राडा प्रेमकृष्ण खड्गाद्धारा आज जारी विज्ञप्तिमा प्रधानमन्त्री ओलीको स्वास्थ्यमा पूर्णरुपमा सुधार आएकाले आजै साँझ डिस्चार्ज गरिने बताइएको छ ।

प्रधानमन्त्रीको डिस्चार्ज भएपनि तत्काल सार्वजनिक कार्यक्रम र व्यक्तिहरुसँगको भेटघाट गर्न नमिल्ने चिकित्सकहरुले बताएका छन् । प्रधानमन्त्रीको सरकारी निवासमा नै प्रधानमन्त्री ओलीका लागि आइसोलेसन वार्डको तयारी गरिएको बताइएको छ ।

प्रधानमन्त्री ओलीलाई मिर्गौला दिएकी समीक्षा संग्रौलालाई पनियसअघि नै डिस्चार्ज भैसकेकी छिन् । उनको स्वास्थ्य अवस्था राम्रो भएका कारण डिस्चार्ज गरिएको डा शाहले जानकारी दिइन् ।