Sansar News
३० फागुन, काठमाण्डौं । प्रधानमन्त्री केपी शर्मा ओली १२ दिनको अस्पताल बसाईएपछि घर फर्किएका छन् ।
त्रिवि शिक्षण अस्पतालमा मिर्गौला प्रत्यारोपणका लागि फागुन १९ गते भर्ना भएका प्रधानमन्त्री ओली मिर्गौलाको सफल प्रत्यारोपणपछि स्वास्थ्यलाभ गरेर शुक्रबार साँझ अस्पतालबाट डिस्चार्ज भएर प्रधानमन्त्री निवास वालुवाटारमा फर्किएका हुन् ।
प्रधानमन्त्रीको स्वास्थ्यमा उल्लेख्य सुधार हुँदै आएपछि प्रधानमन्त्रीलाई डिस्चार्ज गरिएको अस्पतालका निर्देशक डा. प्रेम खड्काले बताएका छन् ।
अस्पतालबाट डिस्चार्ज भएर बाहिर निस्कदा प्रधानमन्त्रीले मुसुक्क हास्दै सबैलाई हात हल्लाएर अस्पतालबाट विदा भएका थिए ।
स्मरण रहोस् प्रधानमन्त्रीलाई मिर्गौला दिएकी भान्जी समिक्षा संग्रौला बुधबार बेलुका नै डिस्चार्ज भएकी हुन् ।
अस्पतालबाट निवासमा पुगेपछि वुवाको आर्शिवाद लिँँदै प्रधानमन्त्री ।
फोटो : प्रधानमन्त्रीका प्रेस सल्लाहकार सुर्य थापाको वालबाट
वि.सं.२०७६ फागुन ३० शुक्रवार २०:३९ मा प्रकाशित
