Sansar News
२ चैत्र । अहिले सामाजिक सञ्जालमा मास्क र स्यानिटाइजरको निकै चर्चा छ । यहि मौका पारेर बजारमा काला बजारी बढ्न थालेका छन् । मास्क र स्यानिटाइजर नपाइने अवस्था नेपालमा मात्र होइन, विश्वमै देखिएको छ ।
तर जनस्वास्थ्य विज्ञ डा रविन्द्र पाण्डे भने बजारमा मास्क र स्यानिटाइजर नपाइएकोमा आत्तिनु नपर्ने बताउँछन् । मास्क र स्यानीटाइजर हामी आफैले घरमा बनाउन सक्छौँ । उनले यो विधिबाट तयार गर्न सकिने बताएका छन् ।
यसो भन्छन् डा पाण्डे :
बजारमा मास्कको अभाव छ । महँगो मुल्यमा किनबेच भइरहेको छ । बजारमा मास्क नपाएमा राम्रो कटनको डबल लेयर मास्क घरमै सिलाउन सकिन्छ । मास्क बनाउँदा नाकको माथिल्लो भागमा लचक भएको प्लास्टिक राख्नुपर्छ । चारैतिरबाट हावा नछिर्ने गरि बनाउन सकिन्छ ।
( ह्याण्ड स्यानिटाइजर पनि घरमै बनाउन सकिन्छ । आइसोप्रोपाइल अल्कोहल वा इथानोल वा स्प्रिट र त्यो पनि नपाए ६५-९० % अल्कोहलयुक्त कडा रक्सी (रुसमा भोड्का पनि प्रोग गर्ने प्रचलन छ ) मा एक तिहाइ घ्युकुमारीको गुदी मिसाउने । अनि ल्वांगको तेल वा लिभेंडर वा कागती थोरै मिसाएर तथा राम्रोसंग फिटेर साना साना बट्टामा राख्न सकिन्छ । त्यो मिश्रण ८ -१० थोपा हातमा राखेर प्रयोग गर्न सकिन्छ ।
वि.सं.२०७६ चैत २ आइतवार ०९:५६ मा प्रकाशित
