Sansar News
३ चैत, काठमाण्डौं । कोरोना भाइरस संक्रमण भएर सामान्य उपचार गराउँदै आएका युएईमा रहेका दुई नेपालीलाई स्वदेश फर्काउने तयारी भएको बताइएको छ ।
उनीहरुको अवस्था सामान्य रहेपछि देश फर्काएर थप उपचार गराउने बारे नेपाली दूतावास युएईले छलफल गरिरहेको बताइएको छ ।
दूतावासका अनुसार युएइको सरकारी निकायले उनीहरुको उपचार गरिरहेको र अवस्था सामान्य रहेको तथा बारेमा युएईको स्वास्थ्य मन्त्रालयले उनीहरुका बारेमा बुझिरहेको पनि दूतावासले जनाएको छ ।
युएई सरकारले कोरोना देखिएकालाई स्वदेश फर्काउन अहिलेसम्म अनुमति नदिएको अवस्थमा युएई सरकारको यसबारे थप निर्णय आएपछि युएईमै राख्ने वा देश फर्काउने भन्ने बारेमा छलफल तथा निर्णय गरिने पनि दूतावासले जनाएको छ ।
युएईमा हालसम्म उक्त भाइरसबाट ९८ जना संक्रिमति भएको बताइएको छ । संक्रमण भएका दुई नेपालीको नाम दूतावासले गोप्य राखेको छ ।
वि.सं.२०७६ चैत ३ सोमवार ०९:१० मा प्रकाशित
