हामी सबैकाे संसारन्यूज

३ चैत, साउदी । साउदीमा बढ्दै गइरहेको कोरोना भाइरसको संक्रमण र त्यसकाविरुद्ध लड्नका लागि व्यापक तयारी गरेको साउदी अरबले हवाई सेवाका कारण साउदी फर्कन नपाएकाहरुलाई दुई हप्ते विशेष विदा दिने निर्णय गरेको छ ।

‘साउदी सरकारको हवाई सेवा बन्द गर्ने निर्णयका कारण साउदी फर्कन नसक्नेहरुका लागि २ हप्ताको विशेष विदा दिर्ने निर्णय साउदी सरकारले जारी गरेको सूचनामा उल्लेख छ ।’ नोपली दूतावास साउदीद्धारा जारी विज्ञप्तिमा भनिएको छ ।

साउदी सरकारको यस्तो निर्णय बारे जानकारी दिँदै साउदीस्थित नेपाली दूतावासले त्यहाँ कार्यरत नेपालीहरु साउदीमा कोरोना भाइरस फैलदै गएको र त्यसबारेमा सजगता अपनाउन अनुरोध समेत गरेको छ ।

त्यसैगरी दूतावासले प्रदान गर्दै आएको विभिन्न सेवाहरु हाललाई स्थगित गरिएको भन्दै साउदीमा कार्यरत घरेलु कामदारहरुका लागि जारी गरिने श्रम स्वीकृति सिफारिस घर विदामा नेपालमा रहेकाहरुले पनि यसअवधिमा आफ्ना मालिक (कफिलाहरुलाई) सिफारिसका लागि दूतावासमा नपठाउन समेत अनुरोध गरेको छ ।