२७ बैशाख, काठमाण्डौं । स्याङजाको फेदीखोला गाउँपालिकाले लकडाउनका कारण प्रभावित बनेका स्थानीय तथा बाहिरी जिल्लाका अलपत्र नागरिकलाई रोजगारी दिने भएको छ ।
गाउँपालिकाले शुक्रबार एक सूचना जारी गर्दै लकडाउनको अवस्थामा फेदीखोला गाउँपालिकाभित्र बेरोजगार बनेकाहरुका लागि ‘खाद्यान्नाको लागि रोजगार कार्यक्रम’ संचालन गर्न लागेको हो ।
उक्त कामका लागि इच्छुक व्यक्तिले सम्बन्धीत वडा कार्यालयमा सम्पर्क गरेर वडाले तोकेको योजनामा तोकिएको काम गरेर दैनिक पारिश्रमित भुक्तान गरिने पनि सूचनामा भनिएको छ ।
गाउँपालिकाका अनुसार पारिश्रमिक स्थानीय दररेट अनुसार दक्ष कामदारको हकमा प्रतिदिन रु १००० र अदक्ष कामदारको हकमा ८०० दिइने छ । साथै वडा कार्यालयले कार्यको अनुगमन गर्ने तथा कामदारको भुक्तानीको व्यवस्था मिलाउने छ । त्यसैगरी कामदारले ८ घण्टा काम गर्नुपर्ने र काम स्थानीय आनैजार र निर्माण सामग्रीको प्रयोगबाट गर्नुपर्नेछ ।
वि.सं.२०७७ वैशाख २७ शनिवार ०९:०१ मा प्रकाशित
