हामी सबैकाे संसारन्यूज

३१ बैशाख, काठमाण्डौं । चीनले नेपाली सेनाका लागि कोभिड १९ प्रतिकार्यमा आवस्यक पर्ने मेडिकल सामग्री हस्तान्तरण गरेको छ ।

मंगलबार भएको उपप्रधानमन्त्रीस्तरको निर्णय अनुसार चीनले बुधबार नेपाली सेनालाई स्वास्थ्य सामग्री हस्तान्तरण गरेको हो ।

नेपालका लागि चीनकी राजदूत होउ यान्छीले नेपाली सेनाको जंगी अड्डामा आयोजित एक कार्यक्रमका बीच प्रधानसेनापति पूर्णचन्द्र थापालाई उक्त सामग्री हस्तान्तरण गरेकी हुन् ।

स्वास्थ्य सामग्री बुझ्दै प्रधान सेनापति थापाले मित्रराष्ट्र चीनले गरेको सहयोगप्रति आभार तथा धन्यवाद व्यक्त गरेका थिए ।

कोभिड १९ को प्रतिकार्यका लागि नेपाली सेनाबाट तैनाथ गरिने स्वास्थ्यकर्मीहरुको सुरक्षार्थ आवश्यक पर्ने पिपिई, एन ९५ मास्क लगायत अन्य विभिन्न मेडिकल सामाग्रीहरु People’s Liberation Army Air Force (PLAAF) को जहाज मार्फत आज नेपाल ल्याईएको पनि सेनाले जानकारी दिएको छ ।