हामी सबैकाे संसारन्यूज

१४ मे । कतार सरकारले विश्वभर फैलिरहेको कोरोना भाइरसको महामारीको रोकथामका लागिआउदो आइतबार अर्थात १७ मे सन २०२० बाट मास्क अनिवार्य गरेको छ । प्रधानमन्त्री तथा मन्त्रीपरिषदको निर्णय बमोजिम अब आउदो आइतबार अर्थात १७ मे सन २०२० बाट कतारमा त्यहाँका नागरिक एवं त्यहाँ बसोबास गर्ने सम्पुर्ण माथी मास्कको प्रयोगलाई अनिवार्य गरिएको जानकारी कतारबाट कतारमा कार्यरत मानवअधिकारकर्मी तथा समाजसेवी प्रोफेसर मोहम्मद रमजान अलि मियाले दिएका छन् ।

कतार सरकारले ल्याएको यो नयाँ नियम अनुसार आफ्नो क्याम्प अथवा निवासबाट कुनै पनि उद्देश्यसहित बाहिर निस्कदा मास्क अनिवार्य रुपमा प्रयोग गर्नु पर्नेछ। तर एकल रुपमा सवारी साधन चलाउदा भने यो अनिवार्य नरहेको बताइएको छ ।

यस नियमको उलंघन गरेको पाइएमा सन् १९९० को कानुन नम्बर १७ बमोजिम सरुवा रोग निवारण तथा रोकथाम सम्बन्धिको नियमनुसार कार्वाही हुने बताइएको छ। यो सजाय भनेको ३ बर्ष सम्म कैद सजाय र अधिक्तम दुई लाख कतारी रियालसम्म जरिवाना हुने गरि हुनेछ। अथवा दुई सजाय मध्ये एक सजाय हुने कानुनी प्रावधान रहेको छ।

प्रोफेसर मियाले कतार सरकारले ल्याएको उक्त नियमको कडाइका साथ पालना गर्ने कतारमा रहेका नेपाली समाजका सम्पुर्णमा अनुरोध गर्दै भन्छन् ‘कानुनको रक्षा गर्नुहोस कानुनले तपाईंको सुरक्षा गर्नेछ।’