हामी सबैकाे संसारन्यूज

९ जेठ, काठमाण्डौं । नेपालमा पछिल्लोपटक कोरोना संक्रमणबाट निको हुनेको संख्या दिनहुँ बढेको छ ।
बाँकेको बाँकेको खजुरा गाउँपालिकामा रहेको शुसील कोइराला क्यान्सर प्रखर अस्पतालबाट आज २१ जना कोरोना संक्रमणबाट मुक्त भएका हुन् ।

अस्पतालका अनुसार उनीहरु २१ दिनको अस्पताल बसाईपछि घर फर्किएका हुन् । उनीहरुलाई साबधानी अपनाउन भन्दै घरमा रहँदा पालना गर्नुपर्ने नियमहरुको निर्देशिका पनि दिइएको छ । उनीहरुलाई दुईवटा एम्बुलेन्समा घर पठाइएको हो ।

निको हुनेमा बाँके नेपालगन्ज  ८ का पहिलो संक्रमित ६० वर्षीय पुरुष लगायत २१ जना निको भएर अस्पतालबाट डिस्चार्ज भएका हुन् । उनीहरुको लगातार गरिएको दोश्रो रिर्पोट नेगेटिभ आएपछि डिस्चार्ज गरिएको हो ।

कोरोना संक्रमणबाट मुक्त भएर फर्किएकाहरुले अस्पतालको व्यवस्थापन चुस्त दुरुस्त रहेको बताउँदै अस्पतालको सेवा सुविधाप्रति खुसी व्यक्त गरेका थिए । सोहि अस्पतालमा अन्य चारजनाको उपचार भइरहेको र उनीहरुको अवस्था सामान्य रहेको बताइएको छ । बाँकेमा हालसम्म १०१ जनामा कोरोना संक्रमण देखिएको थियो । उनीहरुमध्ये आज २१ जना घर फर्किएका हुन् ।

बाँकेमा संक्रमित भएका १२१ मध्ये एक २५ वर्षीय युवाको मृत्यु भएको छ ।

नेपालमा हालसम्म कोरोना संक्रमणबाट निको भइ घर फर्कनेको संख्या ७० पुगेको छ ।

फाइल फोटो