हामी सबैकाे संसारन्यूज

२५ असार, काठमार्डौँ । राष्ट्रिय मानवअधिकार आयोगकी सदस्य मोहना अन्सारी सामाजिक सञ्जालमा दिएको अभिव्यक्तिका कारण विवादमा परेकी छन् ।

राष्ट्रिय मानवअधिकार आयोगले आयोगले अन्सारीले सामाजिक सञ्जालमार्फत दिएको अभिव्यक्तिलाई लिएर आयोगको गम्भिर ध्यानाकर्षण भएको भन्दै प्रेस विज्ञप्ति जारी गरेको छ ।

आयोगका अध्यक्ष अनुपराज शर्माद्वारा जारी विज्ञप्तिमा अन्सारीले सार्वजनिक सञ्जालमा व्यक्त गरिएका कुराहरुप्रति आयोगको ध्यानाकर्षण भएको जनाउँदै भ्रम सिर्जना हुनेगरी नबोल्न सचेत गराइएको छ ।

‘यस आयोगका सदस्य मोहना अन्सारीले २०७७ असार २३ गते तद्नुसार(जुलाई ७) मा ट्वीटरमा समाजवादी पार्टीले आफ्ना संसद सदस्य सरिता गिरीमाथि आफ्ना विधान र राजनीतिक दलसम्बन्धी ऐनबमोजिम कारवाही गर्ने विषयमा सो कारबाहीलाई खेदजनक छ भनी सार्वजनिक सञ्जालमा व्यक्त गरिएका कुराहरुप्रति आयोगको ध्यानाकर्षण भएको छ’ विज्ञप्तिमा उल्लेख छ ।

भ्रम सिर्जना हुनेगरी नबोल्न सचेत गराउँदा गराउँदै पनि यस सार्वजनिक सञ्जालमा यस्ता भनाई आउनु खेद्जनक भएको बताइएको छ । अन्सारीले दिएको भनाईमा आयोगको अस्वीकृत रहेको जानकारी गराउँदै विज्ञप्तीमा कोही  भ्रममा नपर्न पनि भनिएको छ ।

अन्सारीले ट्वीटरमा समाजवादी पार्टी नेपालले सांसद सरिता गिरीलाई कार्वाही गरेको विषयमा सार्वजनिक धारणा राख्दै त्यसलाई खेदजनक भएको भन्दै उनीमाथि गरिएको कार्वाही फिर्ता लिन आग्रह गरेकी थिइन् ।

उनले यस्तो लेखेकी थिइन् :

मा.सरीता गिरीलाई समाजवादीपार्टिले कथित छानवीन प्रतिवेदनको आधारमा कारवाही गरी निसकाशन र साँसदवाट निलम्वनहुने बिषय खेदजनक छ।सँसदमा आफनो धारणा स्वतन्त्र ढंगले राखेकै आधारमा कारवाही गर्ने कुरा अभिव्यक्ति स्वतन्त्रता र लोकतान्त्रिक मान्यता विपरित रहेकोले निर्णय र्फितालिन अनुरोध गर्दछु

— Mohna Ansari ‎ موھنا انصاري (@MohnaAnsari) July 7, 2020