हामी सबैकाे संसारन्यूज

काठमाडौं । सत्तारुढ नेकपाका प्रवक्ता नारायणकाजी श्रेष्ठले भारतीय मिडियाले नाम जोडेर गरेको प्रचारप्रति आपत्ति जनाएका छन् । उनले झुठ समाचार नफैलाउन पनि भारतीय मिडियालाई चेतावनी दिएका छन् ।

भारतीय गुप्तचरका पदाधिकारीहरु नेपाल आएको र प्रवक्ता श्रेष्ठसहित नेतालाई भेटेको भनि भारतीय मिडियामा आएको समाचार झुट भएको उनको भनाई छ । उनले गुप्तचर आए, नआएको विषयमा सरकारले स्पष्ट पार्ने पनि बताएका छन् ।

भारतीय गुप्तचर पदाधिकारीहरु नेपाल आएको र म लगाएत हाम्रो पार्टी र अन्य पार्टीका बिभिन्न नेताहरुलाई भेट गरेको भन्ने एउटा भारतीय अनलाइन मेडियाले प्रचार गरेको समाचारप्रति मेरो गँभीर ध्यानाकर्षण भएको छ।आए,नआएको सरकारले स्पष्ट पार्न सक्ला।तर म सगँ भेटेको भन्ने पुरै झुठ हो।खवरदार!

— NKShresthaPrakash (@nksthaprakash) July 9, 2020

यसअघि आजै प्रवक्ता श्रेष्ठले भारतीय सञ्चारमाध्यमले अनर्गल प्रचार गरेको भन्दै खबरदारी गरेका थिए।

प्रधानमन्त्री केपी शर्मा ओली र चिनियाँ राजदूत होउ यन्छीलाई जोडेर भारतीय मिडियामा अतिरञ्जित समचार आइरहेको प्रति प्रवक्ता श्रेष्ठले आपत्ति जनाएका हुन्। उनले अनर्गल प्रचारले सीमा नाघेको भन्दै बकवास बन्द गर्न चेतावनी समेत दिएका छन्।

भारतीय सञ्चार माध्यमले हाम्रो सरकार र प्रमकाबारेमा गरेको अनर्गल प्रचारले सीमा नाघ्यो।हद भयो।बकवास बन्द गर।हाम्रो राष्ट्रीय सार्वभौमिकता र भौगोलिक अखण्डताको रक्षाको निम्ति हामी एक्ढिक्को छौं।बिदेशीको फुटाउ र स्वार्थ पुरा गर नीति सफल हुन दिनेछैनौ।यहाँ के गर्ने भन्ने हाम्रो कुरा हो।

— NKShresthaPrakash (@nksthaprakash) July 9, 2020