हामी सबैकाे संसारन्यूज

१७ भदौ, काठमाडौं । गण्डकी प्रदेशमा आज थप ३५ जनामा कोरोना संक्रमण पुष्टि भएको छ ।

गण्डकी प्रदेशको स्वास्थ्य निर्देशनालयका अनुसार आज तनहुँमा १ जना, कास्कीमा २३ जना, लमजुङमा ४ र नवलपरासीपूर्व (बर्दघाट सुस्ता) का ७ जनासहित २३ जना संक्रमित थपिएका हुन् ।

निर्देशनालयका अनुसार आज तनहुँ सुक्ला गण्डकी १ की २६ वर्षीया महिला (जा स्टाफ नर्स हुन्), कास्कीको पोखरा महानगरपालिका वडा नं १७ मा कार्यरत ४२, ३७,३५,३६,३५,३७,२५,२६,२२,२७,२१,२८,२३,२१,२१,३१,३१,३८,२८,२४ र ३० वर्षीय पुरुष ( उनीहरु २० जना नै प्रहरीमा कार्यरत) रहेका छन् । साथै वडा नं १४ का ३० र ५७ वर्षीया महिला र १३ का २७ वर्षीय पुरुषमा संक्रमण पुष्टि भएको हो ।

त्यसैगरी लमजुङको सुन्दरबजार ९ का ४८ वर्षीय पुरुष र ४५ र ४९ वर्षीया महिला, २ का ५० वर्षीय पुरुष ( जो ओमानबाट फर्किएका हुन्), नवलपरासीपूर्वको बिनय त्रिवेणी वडा नं ४ का ५४ र ४१ वर्षीय पुरुष, ३ की ५८ वर्षीया महिला, गैडाकोट ९ की ४० वर्षीया महिला र देवचुली नगरपालिका १६ का ७६ वर्षीय पुरुषमा पनि संक्रमण पुष्टि भएको निर्देशनालयले जनाएको छ ।