हामी सबैकाे संसारन्यूज

१७ भदौँ, काठमाडौँ । इंल्याण्ड र पाकिस्तान बिचको तेस्रो तथा अन्तिम टि-२० मा पाकिस्तान ५ रनले विजयी भएको छ ।

टस हारेर पहिले ब्याटिङ्ग गरेको पाकिस्तानले २० ओभरमा ४ विकेट गुमएर १९० रन बनाएको थियो । पाकिस्तानका लागि ब्याटिङ्गमा मोहम्मद हफिजले ५२ बलमा ८६ रनको विस्फोटक ब्याटिङ्ग गरेका थिए । इंल्याण्डका लागि बलिङ्गमा क्रिस जोडनले सर्वाधिक २ विकेट लिएका थिए ।

पाकिस्तानले दिएको १९१ रनको विशाल लक्ष्य इंल्याण्डले पुरै २० ओभर खेल्दा पनि पुरा गर्न सकेन । इंल्याण्ले २० ओभरमा ८ विकेट गुमाएर १८५ रन मात्र बनाउन सक्यो । इंल्याण्डका लागि मोइन अलिले ३३ बलमा ६१ रनको विस्फोटक पारी खेलेका थिए । पाकिस्तानका लागि बलिङ्गमा शाहिन अफ्रिदी र वहाब रियाजले २/२ विकेट निकालेका थिए । जितसँगै पाकिस्तानले ३ खेलका टि-२० श्रृखला १-१ को बराबरीमा रोकेको छ ।

इंल्याण्डले अब सेप्टेम्बर ४ मा अष्ट्रेलिया विरुद्ध पहिलो टि-२० खेल्ने छ ।