हामी सबैकाे संसारन्यूज

१७ भदौ, काठमाडौं । काठमाडौंको महाराजगन्ज स्थित त्रिवि शिक्षण (टिचिङ) अस्पतालमा उपचाररत २ जना कोरोना संक्रमितको मंगलबार मृत्यु भएको छ ।

मृत्युहुनेमा काठमाडौं महानगरका ७५ वर्षीय पुरुष र तनहुँकी २० वर्षीया महिला रहेको अस्पतालका कोभिड फोकल पर्सन डा. सविन थपलियाले संसारन्युजलाई जानकारी दिएका छन् ।

डा थपलियका अनुसार ७५ वर्षीय पुरुष १५ गते कोभिड आइसोलेसनको आइसीयुमा भर्ना भएका थिए भने तनहुँकी २० वर्षीया महिलामा बाथरोगको समस्याका कारण मिर्गौलामा खराबी आएकाले डाइलोसिसमा थिइन् । उनलाई कोरोना पुष्टि भएपछि मंगलबार मात्रै कोभिड आइसोलेसन वार्डमा सारिएको थियो ।

सुगर र प्रेसरको समस्या रहेका ७५ वर्षीय पुरुषको दिउँसो ४ बजेतिर र महिलाको राति मत्यु भएको डा. थपलियाले जानकारी दिएका छन् ।

डा. थपलियाका अनुसार टिचिङ अस्पतालको आइसोलेसनमा हालसम्म ७५ जना कोरोना संक्रमितको उपचार भइरहेको छ । जसमा ५ जना आइसीयुमा रहेका छन् ।