हामी सबैकाे संसारन्यूज

१७ भदौ, काठमाडौँ । संघीय सांसद विद्या भट्टराईले राजनीतिक नेतृत्वलाई ठालूतन्त्रिय सोचले गाँजेको बताएकी छन् ।

सत्तारुढ दल नेकपाकी संसद भट्टराईले टिव्टरमा नेपाली राजनीतिक नेतृत्वलाई शासकीय पदले मात्र नेतृत्वको योगदान स्थापित हुन्छ भन्न ठालूतन्त्रिय सोचले गाँजेको उल्लेख गरेकी छन् ।

तर आफ्नो नेतृत्वदायी भूमिकालाई कुशलतापूर्वक निर्वाह गर्न सक्नु नै राजनीतिक नेतृत्वको असली पहिचान हो भन्ने कुरालाई नेतृत्वले स्वीकार गर्नुपर्ने उनी बताउँछन् । उनले भनेकी छन् ‘आफूले वर्तमानमा पाएको नेतृत्वदायी भूमिका कुशलतापूर्वक निर्वाह गर्न सक्नु नै नेताको अशली पहिचान हो भन्ने मिथलाई राजनितिक नेतृत्वले स्विकार गर्नु पर्ने देखिन्छ ।’

भट्टराई स्वर्गीय रविन्द्र अधिकारीको हेलिकप्टर दुर्घटनामा निधन भएपछि कास्कीको उपनिर्वाचनमार्फत प्रतिनिधि सभामा निर्वाचित भएकी हुन् ।

शासकिय पदले मात्र नेतृत्वको योगदान स्थापित हुन्छ भन्ने एलिटिष्ट एपरोचले राजनितिक नेतृत्वलाई गाँजेको छ । आफूले वर्तमानमा पाएको नेतृत्वदायी भूमिका कुशलतापूर्वक निर्वाह गर्न सक्नु नै नेताको अशली पहिचान हो भन्ने मिथलाई राजनितिक नेतृत्वले स्विकार गर्नु पर्ने देखिन्छ ।

— Bidya Bhattarai (@Bidyabhattarai) September 2, 2020