हामी सबैकाे संसारन्यूज

१० असोज, काठमाडौं । हाल कर्णाली प्रदेश, सुदूर-पश्चिम र प्रदेश नं ५ मा आंशिक तथा बाँकी प्रदेशमा सामान्य बदली रही प्रदेश न. १ बाग्मति प्रदेश र गण्डकी प्रदेशका थेरै स्थानमा तथा बाँकी प्रदेशका एक दुई स्थानमा हल्का बर्षा भइरहेको छ ।

आज प्रदेश नं १, प्रदेश नं २, बागमती प्रदेश, र गण्डकी प्रदेश मा सामान्य बदली रही केही स्थानहरूमा तथा प्रदेश न ५, कर्णाली प्रदेश र सुदुरपश्चिम प्रदेशमा आंशिक बदली रही एक दुइ स्थानमा मेग गर्जन\चट्याङ्ग सहित हल्का देखि वर्षाको सम्भावना रहेको छ ।

त्यस्तै आज प्रदेश नं १, प्रदेश नं २ र गण्डकी प्रदेशको एक दुइ स्थानमा भारी वर्षाको सम्भावना रहेकोले आवश्यक सतर्कता अपनाउन पनि जल तथा मौसम पूर्वानुमान महाशाखाले अनुरोध गरेको छ ।

त्यसैगरी आज कन्काई र कमला नदीमा पानीको बहाव बढ्ने छ भने अन्य नदीमा बहाव घट्ने तथा सतर्कता तलै हुने छ ।

बाढी पूर्वानुमान महाशाखाका अनुसार आजबाट नदीमा बहाव घट्दो रहेको र भोलीसम्म सामान्य हुने तथा प्रमुख तथा मझौला नदीमा बाढी हुने सम्भावना न्यून रहेको छ । साथै तटिय क्षेत्रका क्रियाकलापको लागि सोहि अनुसारको तयारी गर्न पनि महाशाखाले अनुरोध गरेको छ ।