हामी सबैकाे संसारन्यूज

काठमाडौं । नेपाली कला, संस्कृति र भाषाशैलीलाई असाध्यै माया गर्ने चिनियाँ राजदूत होउ यान्छीले नेपाली भाषामै ‘रेशम फिरिरि’ गाउने प्रयास गरेकी छिन् । होउ यान्छीले आफ्नै स्वरमा गाएको गीतको भिडियो अहिले सामाजिक सञ्जालमा छन् । जुन भिडियो अहिले भाइरल पनि छ ।

यान्छीले ‘रेशम फिरिरि’ गीत गाउने सामुहिक प्रयास सफल भएको बताएका छिन् । सामाजिक सञ्जालमा गीत राख्दै उनले भनेकी छिन्, ‘मेरा सहकर्मीहरू र मैले नेपाली गीत रेशम फिरिरि अभ्यास गर्यौं र अन्तमा हामी गाउन सफल भएका छौं। यसले सबैलाई शौभाग्य र खुशी ल्याओस !’

२ मिनेट १८ सेकेण्डको यान्छीको भिडियोमा नेपाली कला, संस्कृतिलाई देखाउने तस्बिरहरु राखिएको छ ।

यान्छी नेपालमा राजदूतको जिम्मेवारीमा आएसँगै बेला–बेला विभिन्न कारण चर्चामा रहँदै आएकै छन् । यान्छीले पछिल्लो समय सत्तारुढ नेकपाभित्रको विवाद समाधानमा खेलेको भूमिकाको निकै चर्चा भएको थियो ।