हामी सबैकाे संसारन्यूज

१४ कात्तिक, काठमाडौं । गण्डकी प्रदेशमा थप दुई कोरोना संक्रमितको मृत्यु भएको छ ।

प्रदेशको स्वास्थ्य निर्देशनालयका अनुसार पोखरा महानगरपालिका १५ का ८१ वर्षीय पुरुषको आज बिहान मृत्यु भएको हो ।

होम आइसोलेसनमै रहेका उनमा कात्तिक १२ गते संक्रमण पुष्टि भएको थियो ।  त्यसैगरी स्याङजाको वालिङ ५ का ७० वर्षीय पुरुषको पनि आज बिहान ८ः३५ मा मृत्यु भएको छ । पोखरा स्वास्थ्य विज्ञान प्रतिष्ठान, पोखराको आइसीयुमा उपचारका क्रममा उनको मृत्यु भएको निर्देशनालयले जनाएको छ ।

उनमा Covid-19, Pneumonia, Megaloblastic Anemia, post tuberculosis status   लगायतका समस्या रहेको थियो । उनमा कात्तिक ९ गते कोरोना संक्रमण पुष्टि भएको थियो ।