Sansar News
१५ कार्तिक, काठमाडौं । लम्कीचुहाका भरत तिमिल्सेनाको कुटपिट गरी हत्या गरेको अभियोगमा ३ जनालाई शुक्रबार प्रहरीले पक्राउ गरेको छ । लम्कीचुहा नगरपालिका(३ बस्ने २२ वर्षीय उनको कुटपिट पछि हत्या गरेको हो ।
हत्या गरेर पक्राउ पर्नेहरूमा जानकी गाउँपालिका-५ अमौरी बस्ने २४ वर्षीय केशर टमट्टा, २५ वर्षीय समर चौधरी र २४ वर्षीय मान बहादुर चौधरी रहेका छन् ।
जानकी गाउँपालिका-५ अमौरी बस्ने नवीन चौधरीको छोराको न्वारन भईरहेको अवस्थामा तिमिल्सेनाले मादक पदार्थ सेवन गरी हो-हल्ला गरेको विषयमा उनीहरूले कुटपिट गर्दा गम्भीर घाईते भएका भरतको लालरत्न अस्पताल लम्की कैलाली हुँदै नर्सिंङ होम नेपालगञ्जमा थप उपचारको क्रममा मृत्यु भएकोल थियो । उक्त घटनामा सम्लग्नलाई ईलाका प्रहरी कार्यालय टिकापुरबाट खटिएको प्रहरीले पक्राउ गरेको हो ।
वि.सं.२०७७ कात्तिक १५ शनिवार ११:४२ मा प्रकाशित
