हामी सबैकाे संसारन्यूज

काठमाडौं । प्रधानमन्त्री केपी शर्मा ओलीले आफुँले कुनै हालतमा राजीनामा नदिने बताएका छन् । बुधबार काठमाडौंमा आयोजित एक कार्यक्रममा बोल्दै उनले आफुँले राजीनामा दिए देश बर्बादी तर्फ जाने बताए ।

ओलीले राजीनामा दिन मिल्छ ? भनि प्रतिप्रश्नसमेत गरेका छन् । ‘सञ्चारमाध्यममा हल्ला फैलिसक्छ, राजीनामा दिन पस्यो । तर तपाईँहरु विचार गर्नुस्, के अहिले मैंले राजीनामा दिन हुन्छ ? राजीनामा दिन मिल्छ ?’ बुधबार काठमाडौंमा आयोजित एक कार्यक्रममा बौल्दै प्रधानमन्त्री ओलीले भने, ‘मेरो लागि होइन् देशको लागि । मैंले राजीनामा दिनु भनेको देशलाई बर्बादीतिर जान दिनु हो । त्यसकारण म राजीनामा दिनेवाला छैन् ।’

प्रधानमन्त्री ओलीले राजीनामा गर्न लाग्यो भनेर आएका कुरा बेकारको भएको बताए । उनले भने, ‘मैंले राजीनामा दिन लाग्यो भनेर आएको कुरा बेकारको कुरा हो । तयारी गर्दैछन्, के हो तयारी ? अन्तिममा के हुन्छ ?’

आफुँ कुनै जालझेल र तिक्डम गरी सत्तामा नआएको उनको भनाई छ । ओलीले जनताको आवश्यकता र समर्थनबाटै सत्तामा आएको बताए । ‘म यस ठाउँमा आएको मेरा रहरले होइन् जनताको आवश्यकता र समर्थनले हो, यहाँ पुर्याएको म जालझेल तिक्डमबाट होइन यहाँ पुगेको व्यापक जनसमर्थनबाट हो’, उनले भने ।

उनले सरकार नफेरिने कुरामा ढुक्क हुन सबैलाई आग्रह गरेका छन् । ‘तपाईँहरु ढुक्क भएर काममा लाग्नुस यो सरकार यस्तो हुन्छ कि, उस्तो हुन्छ कि, फेरिन्छ कि, बदलिन्छ कि, धेरैले धैरैपल्ट धेरैप्रकारका प्रयासहरु गरे भित्रबाहिर अनेक थरिका कोशिसहरु आए’, उनले भने, ‘जेमा पनि आलोचना, जेमा पनि आलोचना गर्ने, त्यस प्रकारका प्रवृत्तिहरु छन् त्यसबाट प्रभावित नहोउँ ।’