Sansar News
१९ कात्तिक, काठमाडौं । कोरोना संक्रमणबाट काठमाडौं उपत्यकामा मात्रै ३८० जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार मंगलबारसम्म काठमाडौंमा २४९, भक्तपुरमा ६८ र ललितपुरमा ६३ जनाको मृत्यु भएको हो ।
त्यस्तै काठमाडौंमा संक्रमितको संख्या ६५ हजार ७८८ पुगेको छ भने ती मध्ये निको हुनेको संख्या ४९ हजार ६७६ रहेको छ । बाँकी १५ हजार ८६३ सक्रिय संक्रमित मध्ये विभिन्न अस्पताल तथा आइसोलेसन सेन्टरमा ५,०३३ जनाको उपचार भइरहेको छ भने केही होम आइसोलेसनमा १०,८३० रहेका छन् ।
त्यसैगरी भक्तपुरमा हालसम्म ६८ जनाको मृत्यु भएको छ । कूल संक्रमित ५,९६६ मध्ये ४,८७९ जना निको भइसकेका छन् भने १०१९ जना सक्रिय संक्रमित रहेका छन् ।
ललितपुरमा हालसम्म संक्रमणबाट ६३ जनाको मृत्यु भएको छ । हालसम्म ९,३१४ जना संक्रमित भएका मध्ये ६,९८७ जना निको भइसकेका छन् । ललितपुरमा सक्रिय संक्रमित २२६४ जना रहेका छन् । ती मध्ये २१९६ जना होम आइसोलेसनमा रहेका छन् भने बाँकी ६८ जनाको अस्पताल तथा आइसोलेसन सेन्टरमा उपचार भइरहेको छ ।
यस्तो छ नेपालमा कात्तिक १८ गतेसम्मको कोरोना अपडेटको पूर्ण विवरण
वि.सं.२०७७ कात्तिक १९ बुधवार १४:५९ मा प्रकाशित
