हामी सबैकाे संसारन्यूज

१९ कार्तिक, काठमाडौँ । पूर्वप्रधानमन्त्री तथा जनता समाजवादी पार्टीका संघीय परिषद्का अध्यक्ष डा बाबुराम भट्टराईले प्रधानमन्त्री केपी शर्मा ओली नेतृत्वमा देश तीव्र गतिले प्रतिगमनतिर दौडिरहेको भन्दै अब सबैले के गर्ने भन्ने सोच्ने बेला आएको बताएका छन् ।

२.ओली नेपाली राजनीतिका पश्चगामी सोच राख्ने चतुर खेलाडी हुन्।संविधानसभामा अग्रगामी एजेण्डा निस्तेज पार्न माओवादी-मधेसवादी विरूद्ध नेकासंग सहकार्य गरे।पछि सत्तानिम्ति चुनावमा नेकाविरूद्ध माओवादीसंग एकता गरे।अहिले ओली नेतृत्वमा देश तीव्र गतिले प्रतिगमनतिर दौडिरहेछ!अब के?सबैले सोचौं!

— Baburam Bhattarai (@brb1954) November 4, 2020

सामाजिक सञ्जाल टिव्टरमार्फत उनले प्रधानमन्त्री ओली नेपाली राजनीतिका पश्चगामी सोच राख्ने चतुर खेलाडी भएको बताउँदै आफ्नो स्वार्थ पुरा गर्ने ध्याउन्नमा प्रधानमन्त्री ओलिले ध्यान दिएको  आरोप लगाएका छन् । उनले भनेका छन् – ‘संविधानसभामा अग्रगामी एजेण्डा निस्तेज पार्न माओवादी – मधेसवादी विरूद्ध नेकासँग सहकार्य गरे। पछि सत्तानिम्ति चुनावमा नेका विरूद्ध माओवादीसंग एकता गरे। अहिले ओली नेतृत्वमा देश तीव्र गतिले प्रतिगमनतिर दौडिरहेछ । अब के ? सबैले सोचौं । ’

नेता डा भट्टराईले नेकपाभित्र पछिल्लो दिन देखिएको किचलोलाई लिएर उनले उक्त अभिव्यक्ति दिएका हुन् । उनले नेकपाभित्रको किचलो दुई अध्यक्ष वीचको सत्तासंघर्ष देखिए पनि सारमा त्यो गहिरो वैचारिक राजनीतिक अन्तरविरोधको अभिव्यक्ति समेत भएको बताएका छन् । उनले यो अन्तर्यमा अग्रगमन र पश्चगमन बीचको लडाइॅ भनेका छन् ।

आफूहरुलाई फोन गरेर स्वस्थ्यलाभको कामना गरेकोमा सबैलाई धन्यवाद समेत दिएका छन् ।