हामी सबैकाे संसारन्यूज

२० मंसिर, पोखरा । गण्डकी प्रदेशमा थप तीन कोरोना संक्रमितको मृत्यु भएको छ ।

पोखरा स्वास्थ्य निर्देशनालयका अनुसार पछिल्लो २४ घण्टामा मृत्यु भएका तीनैजना पोखरा महानगरपालिकाका हुन् ।

निर्देशनलायका अनुसार पोखरा महानगरपालिका १७ का ५७ वर्षीय एक पुरुषको शनिबार बिहान ४ बजे मृत्यु भएको हो ।

कात्तिक २८ गते कोरोना संक्रमण पुष्टि भएपछि पोखरा स्वास्थ्य विज्ञान प्रतिष्ठानमा उपचारका क्रममा उनको मृत्यु भएको हो ।

त्यसैगरी पोखरा उपमहानगरपालिका ११ की ७२ वर्षीया महिलाकोे उपचारका क्रममा फिस्टेल अस्पताल पोखरामा मृत्यु भएको छ । मंसिर १८ गते कोरोना संक्रमण देखिएकी उनको शुक्रबार बेलुका ८ः४५ बजे उपचारका क्रममा मृत्यु भएको निर्देशनालयले जनाएको छ ।

त्यसैगरी पोखरा उपमहानगरपालिका १२ का ८० वर्षीय पुरुषको फिस्टेल अस्पताल पोखरामा उपचारका क्रममा शनिबार दिउँसो १२ः१५ मा मृत्यु भएको छ । उनमा मंसिर १६ गते कोरोना ससंक्रमण पुष्टि भएको थियो ।

पछिल्लो २४ घण्टामा मृत्यु भएका तीन जनासँगै प्रदेशमा कोरोना संक्रमणबाट ज्यान गुमाउनेको संख्या १६६ पुगेको छ ।