हामी सबैकाे संसारन्यूज

२१ मंसिर, काठमाडौँ । तत्कालीन जिल्ला प्राविधिक कार्यालय सप्तरीका इन्जिनियर विकास कुमार श्रेष्ठ सहित ४ जना पक्राउ परेका छन् ।

सप्तरी जिल्लाको शम्भुनाथ नगरपालिका खाँडो खोलामा खेलकुद मन्त्रालयबाट खेलकुद फिल्ड मर्मत सम्भारका लागि आएको बजेट कुनै काम नगरी उपभोक्ता समिति र प्राविधिक कर्मचारीले फर्जी बिल भरपाई पेश गरी आर्थिक अनियमितता गरेको भन्ने उजुरी निवेदनका सम्बन्धमा अनुसन्धान हुँदा ईन्जिनियर, जिल्ला खेलकुद विकास समिति, सप्तरीका तत्कालीन उपाध्यक्ष, तत्कालीन प्रशासकीय अधिकृत र फुटबल खेल मैदान निर्माण उपभोक्ता समितिका अध्यक्ष समेतको मिलोमतो र संलग्नता रहेको छ ।

अनुसन्धानको क्रममा २ करोड ७५ लाख माथिको रकम बढी भुक्तानी लिने र दिने गरी नेपाल सरकारलाई हानी र आफूलाई लाभ हुने कार्य गरेको हुँदा निज ईन्जिनियर सहित ४ जनालाई भ्रष्टाचार निवारण ऐन बमोजिमको सजाय हुन मागदावी लिएको अख्तियारले जनाएको छ ।