हामी सबैकाे संसारन्यूज

७ पुस, काठमाडौं । नेपाल कम्युनिस्ट पार्टी (नेकपा) को केपी शर्मा ओली पक्षका केन्द्रीय सदस्यहरुको बालुवाटारमा हस्ताक्षर संकलन भइरहेको छ । ओली पक्षले निर्वाचन आयोगमा बुझाउनका लागि हस्ताक्षर संकलन गरेको हो ।

बिहान नौ बजे बस्ने भनिएको प्रधानमन्त्री ओली पक्षको केन्द्रीय समितिको बैठक अघिनै केन्द्रीय सदस्यहरुको हस्ताक्षर संकलन गर्न लागिएकोले बैठक बस्न सकेको छैन । नेकपा भित्र दुबै पक्षले एकएर्कालाई कारबाहीको तयारी गरिरहेको छ ।

प्रचण्ड–माधव नेपाल पक्षले यसअघिनै प्रधानमन्त्री ओलीलाई अनुशासनको कारबाही गर्ने निर्णय गरिसकेको छभने आजको केन्द्रीय कमिटीको बैठकले अनुमोदन गर्ने तयारी गरेका छन् ।

ओली पक्षले पनि कार्यकारी अध्यक्ष प्रचण्ड र अर्का बरिष्ठ नेता माधव नेपाल पक्षीय नेताहरुलाई कारबाही गर्ने निर्णय गरी निर्वाचन आयोगमा केन्द्रीय सदस्यहरुको नामावली बुझाउने तयारी स्वरुप हस्ताक्षर संकलन सुरु गरेको छ । ओली पक्षले प्रचण्ड–माधव नेपाल सहितका नेताहरुलाई कारबाही गरि अन्य केन्द्रिय सदस्यहरुलाई आफ्नो पक्षमा ल्याउने तयारी थालेको छ ।