हामी सबैकाे संसारन्यूज

१२ पुष, काठमाडौं । विरेन्द्र सैनिक अस्पतालका नाक, कान, घाँटी विशेषज्ञ डा. विवेक विक्रम खत्रीको अल्पायुमै निधन भएको छ ।

खत्रीका बाबु विदुर खत्रीले आफूहरुको एकमात्र छोराको निधन भएको सामाजिक सञ्जालमार्फत जानकारी गराएका छन् ।

बिरेन्द्र सैनिक अस्पतालमा नाक, कान, घांटी बिशेसज्ञ भइ सर्जनका रुपमा कार्यरत ४३ वर्षीय डा खत्रीको सैनिक अस्पतालमै उपचारको क्रममा शुक्रबार बिहान मृत्यु भएको हो । उनमा मुटुको समस्या भएको थियो ।

डा खत्री मिलनसार, सरल, अति मेहनती, सर्हिदय र सहयोगी व्यक्ति थिए ।

उनको पशुपति परिसरमा दाह संस्कार गरिएको छ । मृतात्माको चिरशान्तिको कामनासहित सेनाको एक टुकुडीले सम्मान अर्पण गरेको थियो ।

डा खत्री विगत १५ वर्षदेखि सरकारी सेवामा थिए । उनकी श्रीमती प्रज्ञा चालिसे दन्तरोग विशेषज्ञ छन् । डा. खत्रीका एक छोरा र एक छोरी छन्।