Sansar News
१५ पुस, काठमाडौं । नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ ले तमु (गुरुङ) समुदायको ल्होसार, किराँत समुदायको उधौली र नेवारी समुदायको योमरी पुन्हिको अववसरमा शुभकामना व्यक्त गरेका छन् ।
अध्यक्ष प्रचण्डले देश तथा विदेशमा रहेका सम्पूर्ण नेपाली दाजुभाइ तथा दिदी बहिनीलाई चाडपर्वको शुभकामना दिँदै कोभिड १९ को महामारीलाई मध्येनजर गरेर पूर्व सावधानी अपनाउँदै मनाउन अनुरोध गरेका छन् ।
‘आ–आफ्नै परम्परा र संस्कृतिको रुपमा मनाइदै आएका यी चाडपर्वहरु यो वर्ष कोरोना भाइरस (कोभिड १९) को महामारीलाई मध्येनजर गर्दै पूर्व सावधानीका उपाय उवलम्बन गर्दै मनाउन सबैमा आग्रह पनि गर्दछु ।’ अध्यक्ष प्रचण्डद्धारा जारी शुभकामना मन्तव्यमा भनिएको छ ।
वि.सं.२०७७ पुस १५ बुधवार ०९:०८ मा प्रकाशित
